प्रसिद्धीसाठी माहिती


दिनांक :- २३ जून २०१९

दगडूशेठ गणपतीला माऊलींच्या अश्वांची थेट सभामंडपात मानवंदना

सलग तिस-या वर्षी गणेश मंदिराच्या सभामंडपात अश्वांचा प्रवेश; पुणेकरांतर्फे अश्वांचे पूजन


पुणे : माऊली माऊली… गणपती बाप्पा मोरया… जय गणेश… च्या जयघोषात संतश्रेष्ठ ज्ञानेश्वर माऊलींच्या पालखी सोहळ्यातील मानाच्या अश्वराजांनी श्रीमंत दगडूशेठ हलवाई गणपतीला थेट सभामंडपात जाऊन अनोखी मानवंदना दिली. सलग तिस-या वर्षी माऊलींच्या मानाच्या अश्वांनी गणेश मंदिराच्या सभागृहात प्रवेश केला. यावेळी ट्रस्टचे विश्वस्त व पुणेकरांतर्फे अश्वांचे पूजन करीत विश्वकल्याणासाठी प्रार्थना करण्यात आली.
पुढे वाचा



दिनांक :- १८ जून २०१९

तहानलेल्या गावांमध्ये चारा आणि पाण्याच्या माध्यमातून पोहोचली ‘दगडूशेठ’ ची जलगंगा

श्रीमंत दगडूशेठ हलवाई सार्वजनिक गणपती ट्रस्टचा पुढाकार ; माण, पुरंदर, जेजुरी, वाल्हे परिसरातील अनेक गावांना चारा व पाण्याच्या माध्यमातून मदतीचा हात


पुणे : रणरणत्या उन्हात डोक्यावर हंडा घेऊन पाण्यासाठी वणवण करणा-या महिला आणि आभाळाकडे आशेने डोळे लावून बसलेला शेतकरी असे चित्र केवळ मराठवाडयातील गावांमध्येच नाही, तर पुण्याजवळील माण, पुरंदर, वेल्हा परिसरात देखील दिसत आहे. दुष्काळामुळे माणसांसह जनावरांची ससेहोलपट होत आहे. त्यामुळे दुष्काळग्रस्त भागातील गावक-यांसह जनावरांना दिलासा देण्यासाठी पुण्यातील श्रीमंत दगडूशेठ हलवाई सार्वजनिक गणपती ट्रस्टने गेल्या अनेक वर्षांपासून पुढाकार घेतला आहे. पुण्यापासून काही किलोमीटरच्या अंतरावर असणाºया माण, पुरंदर, वेल्हा सह आजूबाजूच्या दुष्काळग्रस्त भागातील तब्बल २५ गावे, वाड्या, वस्त्यांपर्यंत पाणी आणि चारा पोहोचविण्यात येत आहे. त्यामुळे पाण्याचे दुर्भिक्ष दूर होऊन या गावांना जलसंजिवनी मिळाली आहे.
पुढे वाचा



दिनांक :- ९ जून २०१९

श्री गणेश सूर्यमंदिरात विराजमान होणार ‘दगडूशेठ’ चे गणपती बाप्पा

श्रीमंत दगडूशेठ हलवाई सार्वजनिक गणपती ट्रस्टच्या सजावटीचा शुभारंभ सोहळा संपन्न


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२७ व्या वर्षानिमित्त गणेशोत्सवात श्री गणेश सूर्यमंदिर साकारण्यात येणार आहे. यंदाच्या मंदिराच्या प्रतिकृतीची साकारण्यात येणारी संकल्पना भारताच्या प्राचीन वेद, पुराणे, शास्त्रे यावर आधारित आहे. उंच शिखरे, मंडप असलेले हे सूर्यमंदिर ओडिशा राज्यातील विश्वप्रसिद्ध प्राचीन आश्चर्य ठरलेल्या कोणार्कच्या सूर्यमंदिरावर आधारित आहे. त्यामुळे यंदाच्या गणेशोत्सवात दगडूशेठ ट्रस्टतर्फे साकारण्यात येणारी ही प्रतिकृती भाविकांकरीता विशेष आकर्षण ठरणार आहे. यावर्षीच्या सजावटीच्या शुभारंभ सोहळा शिल्पकार विवेक खटावकर व वैशाली खटावकर यांच्या हस्ते पार पडला.
पुढे वाचा



दिनांक :- ६ जून २०१९

शेषात्मज गणेश जयंतीनिमित्त ‘दगडूशेठ’ ला ११ हजार फळांचा नैवेद्य

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; गणरायाच्या पाताळातील गणेश जयंतीनिमित्त मंदिराला आकर्षक सजावट


पुणे : केळी, डाळींब, आंबे, पेर, चिक्कू, अंजीर ,अननस, फणस, द्राक्षे, संत्री, मोसंबी, टरबूज, लिची अशा विविधरंगी फळांचा महानैवेद्य दगडूशेठ गणपतीला दाखविण्यात आला. श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे मंदिरात तब्बल ११ हजार फळांचा नैवेद्य दाखविण्यात आला. याच दिवशी श्री गणेशाचा पाताळातील गणेश जयंती म्हणजेच शेषात्मज गणेश अवतार झाला होता. त्यामुळे मंदिरावर फुलांच्या आकारातील शेषनागांची आकर्षक आरास करण्यात आली होती. फळांच्या नैवेद्याने सजलेली आरास आणि मंदिरावरील आकर्षक सजावट पाहण्यासाठी गणेशभक्तांनी सकाळपासूनच गर्दी केली होती.
पुढे वाचा



दिनांक :- ५ जून २०१९

शेषात्मज गणेश जयंतीनिमित्त ‘दगडूशेठ’ ला ११ हजार फळांचा नैवेद्य

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; गणरायाच्या पाताळातील गणेश जयंतीनिमित्त मंदिराला आकर्षक सजावट


पुणे : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे गुरुवार, दिनांक ६ जून रोजी सकाळी ८ वाजता मंदिरात ११ हजार फळांचा नैवेदय दाखविण्यात येणार आहे. या दिवशी श्री गणेशाचा पाताळातील गणेश जयंती म्हणजेच शेषात्मज गणेश अवतार झाला होता. गाणपत्य संप्रदायात भाद्रपद शुद्ध चतुर्थी आणि माघ शुद्ध चतुर्थी प्रमाणेच ज्येष्ठ शुद्ध चतुर्थीच्या गणेश जन्माचे ही अत्यंत महत्त्व आहे. शेषात्मज अवतार भगवान शेषांच्या घरी झालेला म्हणून हा पाताळातील अवतार आहे. त्यामुळे मंदिरावर याविषयाशी निगडीत आकर्षक आरास करण्यात येणार आहे.
पुढे वाचा



दिनांक :- १८ मे २०१९

वैशाख पौर्णिमेनिमित्त शहाळ्यांमध्ये ‘दगडूशेठ’ चे बाप्पा विराजमान

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; पुष्टिपती विनायक जयंती (गणेशजन्म) निमित्त शहाळे महोत्सव – ५ हजार शहाळ्यांचा महानैवेद्य


पुणे : वैशाख वणव्यापासून तमाम भारतीयांचे रक्षण व्हावे, दुष्काळ, पाण्याचे दुर्भिक्ष शेतक-यांच्या समस्या गणरायाच्या कृपेने निर्विघ्न व्हाव्यात, या सद््भावनेने दगडूशेठ गणपती मंदिरात शहाळे महोत्सव आयोजित करण्यात आला होता. श्री गणेशांचे विविध लीला स्वरुपात अनेक अवतार पाताळ, पृथ्वी व स्वर्गलोकात झाल्याचे आपल्या पुराणात सापडते. त्यापैकी एक म्हणजे पुष्टीपती विनायक अवतार. पुष्टिपती विनायक जयंतीनिमित्त आयोजित शहाळे महोत्सवात तब्बल ५ हजार शहाळ्यांमध्ये दगडूशेठचे गणपती बाप्पा विराजमान झाले. नारळाची प्रतिकात्मक झाडे आणि शहाळ्यांनी सजविलेला मंदिराचा परिसर पाहण्याकरीता पुणेकरांनी मोठी गर्दी केली.
पुढे वाचा



दिनांक :- १६ मे २०१९

वैशाख पौर्णिमेनिमित्त ‘दगडूशेठ’ चा शहाळे महोत्सव

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; पुष्टिपती विनायक (गणेशजन्म) जयंतीनिमित्त ५ हजार शहाळ्यांचा महानैवेद्य


पुणे : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे शनिवार, दिनांक १८ मे रोजी सकाळी ८ वाजता मंदिरात शहाळे महोत्सव आयोजित करण्यात आला आहे. गणपती बाप्पांना तब्बल ५ हजार शहाळ्यांचा महानैवेद्य अर्पण केला जाणार आहे. वैशाख पौर्णिमेच्या पवित्र दिवशी श्री गणेशाचा पुष्टिपती विनायक हा अवतार झाला होता.
पुढे वाचा



दिनांक :- ७ मे २०१९

अक्षयतृतीयेनिमित्त ‘दगडूशेठ’ ला ११ हजार आंब्यांचा महानैवेद्य

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; ससून रुग्णालयातील रुग्णांना आणि गणेशभक्तांना होणार आंब्याच्या प्रसादाचे वाटप


पुणे : मंगलमूर्तींच्या भोवती केलेली आंब्यांच्या आकर्षक आरास… मंदिरावर फुलांनी साकारलेल्या आंब्यांच्या प्रतिकृती… प्रवेशद्वारापासून गाभा-यापर्यंत रंगीबेरंगी फुलांनी केलेली सजावट आणि स्वराभिषेकातून अक्षयतृतीयेच्या निमित्ताने गणराया चरणी सेवा अर्पण करण्यात आली. साडेतीन मुहूर्तापैकी एक मुहूर्त असलेल्या अक्षयतृतीयेच्या मंगलदिनी दगडूशेठ गणपतीला ११ हजार आंब्यांचा महानैवेद्य दाखविण्यात आला. आब्यांची आरास पाहण्यासोबतच गणरायाचे दर्शन घेण्यासाठी भाविकांनी पहाटेपासून मोठी गर्दी केली होती.
पुढे वाचा



दिनांक :- २३ एप्रिल २०१९

‘दगडूशेठ’ ला मोग-यासह १ कोटी सुवासिक फुलांचा महाअभिषेक

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन; मंदिरात मोगरा महोत्सव आणि अखिल भारतीय वारकरी मंडळातर्फे वासंतिक उटीचे भजन


पुणे : मोग-याच्या फुलांची आकर्षक सजावट… चाफा, झेंडू, गुलाब, लिलीसारख्या फुलांनी सजलेला गाभारा आणि शुंडाभूषण, मुकुट, कान व पुष्पवस्त्र परिधान केलेले दगडूशेठच्या गणपती बाप्पाचे विलोभनीय रुप पाहण्याकरीता पुणेकरांनी मोठी गर्दी केली. वासंतिक उटी मोगरा महोत्सवानिमित्त दगडूशेठ गणपतीला मोग-यांसह १ कोटी सुवासिक फुलांचा महाअभिषेक करण्यात आला. सुवासिक फुलांनी सजलेले मंदिर आणि गणरायाचे रुप डोळ्यांमध्ये साठविण्यासोबत मोबाईल कॅमे-यामध्ये हे क्षण अनेकांनी टिपले.
पुढे वाचा



दिनांक :- २२ एप्रिल २०१९

‘दगडूशेठ’ गणपतीला शमा भाटे आणि शिष्यांची नृत्यवंदना

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे संकष्टी चतुर्थीनिमित्त नृत्यकलाकारांचे सादरीकरण; भाविकांची अलोट गर्दी


पुणे : सूर्यवंदना…गुरुवंदना…शिववंदना…रामवंदना… अशा विविध रचना संगीताच्या तालावर सादर करीत ज्येष्ठ नृत्यांगना पं.शमा भाटे आणि त्यांच्या शिष्यांनी दगडूशेठ गणपतीसमोर नृत्यवंदना सादर केली. संस्कृतमधील विविध पद्यांवर आधारलेल्या रचनांच्या सुरावटींवर देवीवंदना, कृष्णवंदना, नादवंदनेसह गणेशवंदना करीत कलाकारांनी गणरायाचरणी नृत्यसेवा अर्पण केली.
पुढे वाचा



दिनांक :- १३ एप्रिल २०१९

‘भावसरगम’ मधून गाजलेल्या मराठी गीतांचा नजराणा

पं. ह्रदयनाथ मंगेशकर, गायिका राधा मंगेशकर व विभावरी आपटे-जोशी यांचे सादरीकरण ; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवात भावसरगम कार्यक्रमाचे आयोजन


पुणे : छत्रपती शिवाजी महाराजांवर आधारित शौर्य गीतांपासून भावगीते,भक्तीगीते, कोळीगीते अशा विविध गीतांच्या सादरीकरणाने ज्येष्ठ संगीतकार व गायक पं. ह्रदयनाथ मंगेशकर, गायिका राधा मंगेशकर व विभावरी आपटे जोशी यांनी रसिकांवर स्वरवर्षाव केला. गाजलेल्या मराठी गीतांमध्ये रमलेल्या स्वरमयी संध्येची रसिकांनी अनुभूती घेतली. यानिमित्ताने रसिकांना नानाविध गीतांचा अनमोल नजराणा अनुभवण्याची संधी मिळाली.
पुढे वाचा



दिनांक :- १२ एप्रिल २०१९

रसिकांनी अनुभवली हिंदी चित्रपटातील नृत्ये व गीतांची अनोखी सफर

पुरुषोत्तम बेर्डे व सहका-यांचा म्युझिकल ट्रेण्ड्स कार्यक्रम; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवाचे आयोजन


पुणे : हिंदी चित्रपटातील संगीतकारांनी अनेक प्रकारांमध्ये संगीतबद्ध करून अजरामर केलेल्या गीतांच्या कार्यक्रमात रसिक दंग झाले. विविध धाटणीच्या गीतांचा आगळा वेगळा कार्यक्रमाला रसिकांची मने जिंकली. हिंदी चित्रपटातील नृत्य, गीत व संगीताची अनोखी सफर रसिकांनी अनुभवली.
पुढे वाचा



दिनांक :- ११ एप्रिल २०१९

शास्त्रीय संगीत, ठुमरी, भजन गायनाने रंगली स्वररंग मैफल

ज्येष्ठ गायिका आशा खाडिलकर यांचे सादरीकरण; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवात स्वररंग कार्यक्रमाचे आयोजन


पुणे : शास्त्रीय, उपशास्त्रीय अशा अनेक संगीत प्रकारांच्या निर्मळ स्वरांमध्ये एकरुप झालेल्या गानसंध्येची रसिकांनी अनुभूती घेतली. ज्येष्ठ गायिका आशा खाडिलकर यांनी संगीताचे विविध पैलू उलगडत रसिकांनी सुश्राव्य संगीत मैफलीची अनुभूती दिली. शास्त्रीय संगीत, ठुमरी, भजन गायनाने स्वररंग मैफल रंगली.
पुढे वाचा



दिनांक :- १० एप्रिल २०१९

अजरामर गीतांच्या सादरीकरणातून बर्मन पिता-पुत्रांच्या आठवणींना उजाळा

प्रख्यात गायक जितेंद्र भुरुक यांचे सादरीकरण ; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवात तुम आ गये हो कार्यक्रमाचे आयोजन


पुणे : हिंदी चित्रपट सृष्टीतील सुवर्णकाळातील अलौकिक प्रतिभा सामावलेल्या अजरामर गीतांचा खजिना प्रख्यात गायक जितेंद्र भुरुक यांनी रसिकांसमोर उलगडला. सचिन देव बर्मन व राहुल देव बर्मन यांनी संगीतबद्ध केलेल्या विविध छटांच्या गीतांचे सादरीकरण अनुभवत रसिक तृप्त झाले. विविधरंगी गीतांच्या सादरीकरणातून बर्मन पिता-पुत्रांची सांगीतिक कारकीर्द उलगडत त्यांच्या आठवणींना यानिमित्ताने उजाळा दिला.
पुढे वाचा




दिनांक :- ९ एप्रिल २०१९

‘फिटे अंधाराचे जाळे’ मधून पुणेकरांनी घेतला श्रवणानंद

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवात फिटे अंधाराचे जाळे या कार्यक्रमाचे आयोजन


पुणे : ग.दि.माडगूळकर, सुधीर फडके उर्फ बाबुजी, शांता शेळके, सुधीर मोघे आणि बाबुजींचा वारसा देखण्या वाटेने चालविणारे गायक व संगीतकार श्रीधर फडके यांनी साकारलेल्या विविध गीतांच्या सादरीकरणाने रसिकांनी श्रवणानंद घेतला. झाला महार पंढरीनाथ सारख्या चित्रपटातील गाजलेल्या गीतांपासून ते माता भवानी जगताची जननी… या श्रीधर फडके यांनी सादर केलेल्या नव्या रचनेपर्यंत एकाहून एक सरस गीतांनी रसिकांना मंत्रमुग्ध केले.
पुढे वाचा




दिनांक :- ८ एप्रिल २०१९

नानाविध गीतांमधून छोट्या सूरवीरांनी गाजविला स्वरमंच

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवात ‘सूर नवा ध्यास नवा’ कार्यक्रमाचे आयोजन


पुणे : अभंग, भारुड, पोवाडा, गोंधळ अशा वेगवेगळ्या गीतप्रकारांनी बालकलाकारांनी सुरेख सादरीकरणाद्वारे रसिकांना मंत्रमुग्ध केले. हर्षद नायबळ या पाच वर्षाच्या चिमुकल्याने स्वत:चे वर्चस्व सिद्ध करत हास्यविनोद आणि गाणी म्हणत रसिकांंच्या मनात वेगळेच स्थान निर्माण केले. बच्चे कंपनीने केलेल्या गीतांच्या सादरीकरणाला रसिकांनी मनापासून प्रतिसाद दिला. विविध प्रकारच्या गीतांमधून छोट्या सूरवीरांनी स्वरमंच गाजविला.
पुढे वाचा



दिनांक :- ७ एप्रिल २०१९

ढोलकीचा ठेका आणि लावणी सम्राज्ञींच्या अदाकारीने जिंकली रसिकांची मने

सुरेखा पुणेकर व सहकलाकारांचे सादरीकरण; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवाचे आयोजन


पुणे : ढोलकीच्या ठेका धरायला लावणा-या नादात अप्रतीम पदन्यासाची आणि हावभावाची जोड देत लावणीसम्राज्ञी सुरेखा पुणेकर यांनी आपल्या नृत्याने रसिकांवर नृत्याची भुरळ घातली. गण, गवळण, मुजरा, बैठकीची लावणी अशा विविध प्रकारांमधून रसिकांनी लावणी या लोकप्रिय कलेचा अविष्कार अनुभवला.
पुढे वाचा



दिनांक :- ६ एप्रिल २०१९

गुढीपाडव्याच्या शुभ मुहूर्तावर श्रीमंत दगडूशेठ गणपतीच्या चरणी ३ किलो सोन्याचे उपरणे अर्पण

श्रीमंत दगडूशेठ हलवाई गणपती मंदिराचा ३६ वा वर्धापनपदिन; व्यंकटेश राव यांच्या हस्ते श्रींच्या चरणी सोन्याचे उपरणे अर्पण; परिमंडळ १ चे उपायुक्त सुहास बावचे यांच्या हस्ते गुढीपूजन


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळतर्फे गणपती मंदिराच्या ३६ व्या वर्धापनदिनानिमित्त गुढीपाडव्याच्या शुभ मुहूर्तावर श्रींच्या चरणी ३ किलो सोन्याचे उपरणे अर्पण करण्यात आले. पु. ना. गाडगीळ ज्वेलर्स पेढीच्यावतीने हे उपरणे बनविण्यात आले आहे. यामध्ये सोन्याप्रमाणेच माणिक, पाचू या रत्नांचा समावेश आहे. तसेच यावर ओम आणि स्वस्तिकाची सुंदर नक्षी देखील आहे. गुढीपाडव्यानिमित्त मंदिराला मोरांची आकर्षक सजावट करण्यात आली. सनई-चौघडा, बँडच्या मंगलमयी नादात मंत्रोच्चाराने पवित्र झालेल्या वातावरणात गुढीपाडवा साजरा करण्यात आला. पहाटेपासूनच चैत्र शुद्ध प्रतिपदेच्या दिवशी बाप्पाचे दर्शन घेण्यासाठी पुणेकरांनी मोठ्या संख्येने गर्दी केली होती.
पुढे वाचा



दिनांक :- ६ एप्रिल २०१९

संगीत महोत्सवात महेश काळे यांच्या सुरेल गायकीचा स्वरसाज

श्रीप्रख्यात गायक महेश काळे यांचे सादरीकरण; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३६ व्या वर्धापनदिनानिमित्त संगीत महोत्सवाचे आयोजन


पुणे : आलाप तानांमध्ये गुंफलेल्या बंदिशींच्या, विविध गीतांच्या बहारदार सादरीकरणाने आणि आपल्या कसदार गायकीने गायक महेश काळे यांनी रसिकांना मंत्रमुग्ध केले. महेश काळे यांनी सादर केलेल्या गीतांना प्रतिसाद देत रसिकांनी देखील उत्स्फुर्त सहभाग घेतला. संगीत महोत्सवात गायक महेश काळे यांच्या सुरेल गायकीने स्वरसाज चढला.
पुढे वाचा




दिनांक :- ६ एप्रिल २०१९

दगडूशेठ संगीत महोत्सवास दिमाखात सुरुवात

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळतर्फे मंदिराच्या ३६ व्या वर्धापदिनानिमित्त आयोजित संगीत महोत्सवाचे उद्घाटन; प्रकाश छाब्रिया, रितु छाब्रिया, महेश काळे यांची उपस्थिती


पुणे : श्रीमंत दगडूशेठ हलवाई गणपती ट्रस्ट, सुवर्णयुग तरुण मंडळतर्फे गणपती मंदिराच्या ३६ व्या वर्धापनदिनानिमित्त गुढीपाडवा ते रामनवमी दरम्यान म्हणजेच दि. ६ ते १३ एप्रिल पर्यंत संगीत महोत्सवाचे आयोजन करण्यात आले आहे. हा संगीत महोत्सव दररोज सायंकाळी ७ ते १० या वेळेत गणेश कला क्रीडा मंच येथे होणार आहे. गुढीपाडव्याच्या मंगलदिनी दगडूशेठ संगीत महोत्सवाची दिमाखात सुरुवात झाली आहे.
पुढे वाचा



दिनांक :- २ एप्रिल २०१९

ससूनमधील ‘दगडूशेठ’ तर्फे सुरु असलेल्या किचनमध्ये रोटी मेकर मशिनचे लोकार्पण

श्रीमंत दगडूशेठ हलवाई सार्वजनिक गणपती ट्रस्टतर्फे जय गणेश रुग्णसेवा अभियानांतर्गत उपक्रम – इंदिरा ग्रुप आॅफ इन्स्टिटयूटतर्फे २५ व्या वर्धापनदिनानिमित्त रोटी मेकर मशिन ची भेट


पुणे : समाजसेवेचे मंदिर उभारण्याकडे वाटचाल करणा-या श्रीमंत दगडूशेठ हलवाई सार्वजनिक गणपती ट्रस्टतर्फे गेल्या अनेक वर्षापासून ससून रुग्णालयात सुरु असलेल्या जय गणेश रुग्णसेवा अभियानंतर्गत रुग्ण व त्यांच्या नातेवाईकांना भोजन व्यवस्था देण्यात येते. या उपक्रमांतर्गत सुरु असलेल्या किचनमध्ये रोटी मेकर चे अत्याधुनिक मशिन इंदिरा ग्रुप आॅफ इन्स्टिटयूटतर्फे संस्थेच्या २५ व्या वर्धापनदिनानिमित्त भेट म्हणून देण्यात आले. रोटी मेकर मशिनमधून एका तासाला एक हजार पोळया तयार होणार असून याद्वारे रुग्णांना त्वरीत आणि उत्तम भोजन उपलब्ध करुन देणे शक्य होणार आहे.
पुढे वाचा



दिनांक :- ९ मार्च २०१९

सार्वजनिक क्षेत्रात निस्पृहपणे काम करणे हीच आप्पांसाठी खरी आदरांजली

महापौर मुक्ता टिळक यांचे प्रतिपादन ; श्रीमंत दगडूशेठ हलवाई सार्वजनिक गणपती ट्रस्ट – थोर गणेशभक्त स्वानंदवासी शंकरराव तथा आप्पासाहेब सूर्यवंशी पथ – नामकरण सोहळा


पुणे : वेगवेगळ्या विचारांच्या माणसांना एकत्र जोडण्याचे काम आप्पासाहेब सूर्यवंशी यांनी केले. सध्याच्या काळात घरातली माणसे एकत्र रहात नाहीत. परंतु आप्पांनी कार्यकर्त्यांना जोडण्याचे, परिसरातील माणसे घडविण्याचे काम केले. सार्वजनिक कार्य अनेकजण करतात, परंतु पैशाचे वलय निर्माण झाल्यावर निस्पृहपणे काम करणे अवघड असते. पण आप्पांनी सातत्याने निस्पृहपणे काम केले, हे शिकण्यासारखे आहे. त्यामुळे सार्वजनिक क्षेत्रात निस्पृहपणे काम करणे हीच आप्पांसाठी खरी आदरांजली ठरेल, असे प्रतिपादन महापौर मुक्ता टिळक यांनी केले

पुढे वाचा



दिनांक :- ३ मार्च २०१९

जय गणेश पालकत्त्व योजनेतील विद्यार्थ्यांनी सादर केल्या विज्ञानातील गमतीजमती

श्रीमंत दगडूशेठ हलवाई सार्वजनिक गणपती ट्रस्ट ; ज्येष्ठ भूगर्भ शास्त्रज्ञ डॉ. विद्याधर बोरकर यांची प्रदर्शनाला उपस्थिती


पुणे : आधुनिक शेती, फायर अर्लाम, शरीराचे अंतरंग, हायड्रोलिक लिफ्ट, फुलपाखरांचे जीवनचक्र,सौर उर्जा अशा एकाहून एक सरस प्रकल्पांमधून जय गणेश विद्यार्थी पालकत्त्व योजनेतील चिमुकल्यांनी विज्ञानातील गमतीजमती सादर केल्या. ज्वालामुखी, पाण्याची घनता, पवनचक्की, धरणातून होणारी वीजनिर्मीती असे नानाविध प्रकल्प सादर करीत आपल्या आजूबाजूला घडणा-या वैज्ञानिक गोष्टींविषयीची माहितीही विद्यार्थ्यांनी उपस्थितांना दिली.
पुढे वाचा




दिनांक :- ८ फेब्रुवारी २०१९

गणेशस्तुतीच्या मंगल स्वरांनी दगडूशेठ मंदिरात सजला गणेशजन्म सोहळा

श्रीमंत दगडूशेठ हलवाई गणपती ट्रस्टच्यावतीने आयोजन ; मंदिरामध्ये अलोट गर्दी


पुणे : जोजो रे जोजो पार्वतीपुत्रा, लागू दे निद्रा अशा मंगल स्वरांनी पाळणा म्हणत तब्बल महिलांनी गणरायाची मनोभावे प्रार्थना केली. दगडूशेठचे गणपती बाप्पा कृपा आम्हावर करा, तुझा आम्हा आसरा अशा मंत्राच्या नादाने पवित्र झालेल्या वातावरणात दुपारी १२ वाजता शेकडो गणेशभक्तांच्या उपस्थितीत दगडूशेठ गणपती मंदिरात मोठ्या उत्साहात गणेशजन्म सोहळा संपन्न झाला. मंदिरावर केलेली झेंडुच्या विविधरंगी फुलांची, काचेच्या आकर्षक झुंबरांची आरास अशा मनोहारी सजावटीने मंदिर परिसर अधिकच खुलला. शेकडो गणेशभक्तांनी बाप्पाचे दर्शन घेत सुख-समृध्दी नांदू दे अशी प्रार्थना केली.

पुढे वाचा




दिनांक :- २९ डिसेंबर २०१८

श्री गणेश लिला, नृत्य आणि नाटयातून भारतीय संस्कृतीचे दर्शन

श्रीमंत दगडूशेठ हलवाई सार्वजनिक ट्रस्टतर्फे जय गणेश विद्यार्थी पालकत्व योजनेतील विद्यार्थ्यांचे स्नेहसंमेलन उत्साहात ; यशस्वी विद्यार्थ्यांसह शिक्षकांचाही सन्मान


पुणे : भगवान शंकर-पार्वती आणि श्रीगणेश-कार्तिकेय यांच्या नानाविध लिला… नारदमुनींनी सांगितलेल्या श्रीगणेशाच्या रुपांची महती…नृत्य सादरीकरणातून चिमुकल्यांनी केलेली गणेशाची आराधना… अशा वातावरणात श्री गणेश लिलेसह नृत्य आणि नाटयातून भारतीय संस्कृतीचे दर्शन जय गणेश विद्यार्थी पालकत्त्व योजनेतील विद्यार्थ्यांनी पुणेकरांना घडविले. रंगीबेरंगी पोषाखात नटलेले चिमुकले, चेह-यावर उमटलेले निरागस भाव आणि पारंपारिक, ऐतिहासिक, देशभक्तीपर गीतांवर बालचमुंनी सादर केलेल्या नृत्यप्रकारांना उपस्थितांनी भरभरुन दाद दिली.

पुढे वाचा



दिनांक :- २६ डिसेंबर २०१८

अंगारकीनिमित्त पुष्पमहालात ‘दगडूशेठ’ चे गणपती बाप्पा विराजमान

श्रीमंत दगडूशेठ हलवाई सार्वजनिक गणपती ट्रस्ट ; भाविकांची दर्शनासाठी पहाटेपासून अलोट गर्दी


पुणे : गणपती बाप्पा मोरया, मंगलमूर्ती मोरया…ओम् गं गणपतये नम :… अशा गणेशनामाच्या जयघोषाने दगडूशेठ गणपती मंदिराचा परिसर दुमदुमून गेला. वर्षातील शेवटचा अंगारकी संकष्टी चतुर्थी योग असल्याने भाविकांनी दगडूशेठ गणपतीच्या दर्शनासाठी पहाटेपासूनच मोठी गर्दी केली. मंदिराच्या कळसापासून ते गाभा-यापर्यंत विविधरंगी फुलांनी केलेली आकर्षक सजावट आणि विद्युतरोषणाने दगडूशेठचे गणपती बाप्पा पुष्पमहालात विराजमान झाल्याचा भास होत होता.

पुढे वाचा



दिनांक :- ९ डिसेंबर २०१८

दगडूशेठ गणपती मंदिर हे भक्तांचे श्रद्धाकेंद्र

परमपूज्य श्रृंगेरी जगद््गुरु श्रीशंकराचार्य श्रीविधुशेखरभारती स्वामीमहाराज ; श्रीमंत दगडूशेठ गणपती मंदिरामध्ये गणरायाचे दर्शन व महाआरती


पुणे : दगडूशेठ गणपती मंदिर पुण्यातील प्रसिद्ध, लोकांच्या श्रध्देचे आणि भक्तीचे प्रमुख स्थान आहे. हे गणपती मंदिर भक्तांचे एक श्रद्धाकेंद्र आहे. मंदिरात महागणपतीचे सानिध्य जाणवते. इथे येऊन दगडूशेठ गणपतीचे दर्शन घेऊन मन प्रसन्न झाले, असे परमपूज्य श्रृंगेरी जगद््गुरु श्रीशंकराचार्य श्रीविधुशेखरभारती स्वामीमहाराज यांनी सांगितले.

पुढे वाचा


दिनांक :- २२ नोव्हेंबर २०१८

अन्नकोटातून २२१ मिष्टान्नांचा दगडूशेठ गणपतीला महानैवेद्य

श्रीमंत दगडूशेठ हलवाई सार्वजनिक गणपती ट्रस्ट ; त्रिपुरारी पौर्णिमेनिमित्त कळसापासून गाभा-यापर्यंत तब्बल २५ हजार दिव्यांनी सजले मंदिर


पुणे : बाप्पाभोवती विविध प्रकारच्या फळांची व भाज्यांची करण्यात आलेली आकर्षक आरास आणि मिठाई, फराळाच्या तिखट-गोड पदार्थांपासून वेगवेगळ्या पदार्थांचा दगडूशेठ गणपती मंदिरात अन्नकोट मांडण्यात आला. त्रिपुरारी पौर्णिमेनिमित्त तब्बल २२१ प्रकारच्या मिष्टान्नांचा नैवेद्य बाप्पाला अर्पण केला. तसेच यावेळी कळसापासून गाभा-यापर्यंत सुमारे २५ हजार दिव्यांनी मंदिर सजविण्यात आले. पुणेकरांनी हे दृश्य डोळ्यामध्ये साठविण्यासोबतच मोबाईल कॅमे-यामध्ये कैद करण्यासाठी मोठी गर्दी केली.

पुढे वाचा


दिनांक :- २० नोव्हेंबर २०१८

मंगलाष्टकांच्या सुरावटींमध्ये श्रीकृष्ण-तुलसी विवाह सोहळा थाटात

श्रीमंत दगडूशेठ हलवाई सार्वजनिक गणपती ट्रस्ट ; गणेश मंदिरापासून ते मंडईतील साखरे महाराज मठापर्यंत मिरवणूक


पुणे : मंगलाष्टकांचे सूर… राधे कृष्ण, गोपाल कृष्ण चा अखंड जयघोष… वधू-वरांवर अक्षता व पुष्पवर्षाव करणा-या पारंपरिक वेशातील महिला आणि श्रीकृष्णाची मूर्ती व तुलसीवृंदावन डोक्यावर घेऊन काढलेली वरात… अशा थाटात पारंपरिक पद्धतीने तुलसीविवाह सोहळा पार पडला. वधू-वरांना आर्शिवाद देण्यासाठी उपस्थित मंडळी श्रीकृष्ण-तुलसी चरणी नतमस्तक होत, आपल्या मनोकामना त्यांच्याकडे मांडत होती. तर, उत्तम आरोग्य आणि सुखी समाज याकरीता पुणेकरांनी प्रार्थना देखील केली.

पुढे वाचा


दिनांक :-९ नोव्हेंबर २०१८

सहस्त्रदल कमलाच्या सजावटीमध्ये ‘दगडूशेठ’ चे गणपती बाप्पा विराजमान

श्रीमंत दगडूशेठ हलवाई सार्वजनिक गणपती ट्रस्टतर्फे दीपावलीनिमित्त आयोजन ; मंदिरावर कमलपुष्पांच्या पाकळ्यांची आकर्षक सजावट व विद्युतरोषणाई


पुणे : कमलपुष्पांच्या पाकळ्यांची सजावट, रंगीबेरंगी दिवे, आकर्षक झुंबरे आणि विविधरंगी फुलांनी सजलेल्या श्रीमंत दगडूशेठ हलवाई गणपती मंदिरात लाडके गणपती बाप्पा विराजमान झाले. दीपावलीनिमित्त केलेली ही सहस्त्रदल कमलाची सजावट आपल्या मोबाईलमध्ये कैद करण्यासोबतच हे नयनरम्य दृश्य डोळ्यात साठविण्याकरीता भाविकांनी मोठया प्रमाणात गर्दी केली. दिवाळीनिमित्त मंदिराचा परिसर आकाशकंदिल, पणत्या आणि रांगोळीच्या पायघडयांनी सजविण्यात आला.

पुढे वाचा



दिनांक :-२३ ऑक्टोबर २०१८

रामराज्य आणि प्रभूरामचंद्रांचे मंदिर शीघ्रपणे पूर्ण व्हावे

राष्ट्रीय स्वयंसेवक संघाचे सरसंघचालक मोहन भागवत यांचे अभिषेकातून साकडे ;
श्रीमंत दगडूशेठ हलवाई सार्वजनिक गणपती ट्रस्ट ; श्रीगणेशाचे दर्शन आणि आरती


पुणे : महागणपतीच्या आशिर्वादाने रामराज्य प्रस्थापित व्हावे आणि प्रभूरामचंद्रांचे मंदिर शीघ्रपणे व कोणताही उशीर न होता पूर्णत्वास यावे, असे साकडे राष्ट्रीय स्वयंसेवक संघाचे सरसंघचालक मोहन भागवत यांनी गणरायाचरणी अभिषेकातून घातले. दगडूशेठ गणपती मंदिरात येण्याची खूप दिवसांपासून इच्छा होती असे सांगत गणरायाकडे जे मागितले, ते त्यालाच माहित आहे, असेही त्यांनी मिश्किलपणे सांगितले.

पुढे वाचा

दिनांक :-१५ ऑक्टोबर २०१८

‘दगडूशेठ’ गणपती ट्रस्टच्या संस्कारवर्गातील मुलींचा महाभोंडला

श्रीमंत दगडूशेठ हलवाई सार्वजनिक गणपती ट्रस्टतर्फे आयोजन ;
तब्बल ५०० हून अधिक मुली व महिलांचा सहभाग


पुणे : भारतीय संस्कृती आणि सण-उत्सवांचे ज्ञान आजच्या पिढीपर्यंत पोहोचविण्यासोबत संस्कारक्षम पिढी घडविण्यासाठी कार्यरत असलेल्या दगडूशेठ गणपती ट्रस्टच्या संस्कारवर्गाचा महाभोंडला मोठया उत्साहात पार पडला. संस्कारवर्गासह जय गणेश पालकत्त्व योजनेतील विद्यार्थीनींसह त्यांच्या पालकांनी पारंपरिक वेशात या भोंडल्यात मोठया संख्येने सहभाग घेतला.

पुढे वाचा

दिनांक :-२३ सप्टेंबर २०१८

‘दगडूशेठ’ च्या बाप्पांची २१ फुटी श्री विश्वविनायक रथातून वैभवशाली सांगता मिरवणूक;
श्रीमंत दगडूशेठ हलवाई सार्वजनिक गणपती ट्रस्टचे १२६ वे वर्ष

स्वरुपवर्धिनी पथकासह बालवारक-यांची गणरायाला मानवंदना


पुणे : मोतिया रंगांच्या २७ हजार दिव्यांनी उजळलेल्या श्री विश्वविनायक रथात विराजमान होऊन श्रीमंत दगडूशेठ हलवाई गणपतीची वैभवशाली सांगता मिरवणूक बेलबाग चौकातून निघाली आणि तो क्षण अनुभवण्याकरीता हजारो गणेशभक्तांनी मोठी गर्दी केली. संपूर्ण रथावर लावण्यात आलेल्या २२५ आकर्षक झुंबरांनी मिरवणुकीच्या वैभवात आणखीनच भर घातली. त्याचबरोबर स्वरुपवर्धिनी ढोल ताशा ध्वज पथक आणि बालवारक-यांनी गणरायाला पारंपरिक पद्धतीने दिलेली मानवंदना हे मिरवणुकीचे विशेष आकर्षण ठरले.

पुढे वाचा

दिनांक :- २२ सप्टेंबर २०१८

प्रमुख देवस्थाने एकत्र करुन सामाजिक काम करणार

शिवसेनेचे सचिव आदेश बांदेकर ; श्रीमंत दगडूशेठ हलवाई सार्वजनिक गणपती ट्रस्टच्या गणरायाचे सपत्नीक दर्शन

.


पुणे : जगभरात प्रसिद्ध असा पुण्याचा गणेशोत्सव आहे. दगडूशेठ गणपतीच्या दर्शनाला येण्याचा आनंद वेगळा आहे. शिवसेना चित्रपट सेनेच्या वतीने सर्व कलाकार दर्शनासाठी आले असून हा आनंदाचा उत्सव आहे. आम्ही प्रमुख देवस्थांशी चर्चा केली असून सिद्धधीविनायकाच्या माध्यमातून आवाहन करणार आहोत की सर्वांनी एकत्र येऊया. वारी मार्ग असेल, रुग्णांचा विषय असेल, याविषयी काय करता येईल हा संकल्प करुया. त्यामुळे पुढील काही दिवसात प्रमुख देवस्थाने एकत्र करुन काम करण्याचा मनोदय आहे. गणरायाने आमच्याकडून ही सेवा करुन घ्यावी, अशी प्रार्थना शिवसेनेचे सचिव (राज्यमंत्री) व श्री सिद्धीविनायक गणपती मंदिर न्यासचे अध्यक्ष आदेश बांदेकर यांनी गणरायाचरणी केली.
पुढे वाचा

दिनांक :- २० सप्टेंबर २०१८

श्री विश्वविनायक रथातून निघणार ‘दगडूशेठ’ गणेशोत्सवाची सांगता मिरवणूक

श्रीमंत दगडूशेठ हलवाई सार्वजनिक गणपती ट्रस्टचे १२६ वे वर्ष ,आकर्षक नक्षीकाम असलेला २१ फूट उंच रथ ; मिरवणुकीत हजारो गणेशभक्त होणार सहभागी

.


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त आयोजित गणेशोत्सवाची सांगता मिरवणूक अनंत चतुर्दशीला रविवार, दिनांक २३ सप्टेंबर रोजी थाटात निघणार आहे. यंदा श्री विश्वविनायक रथामध्ये दगडूशेठ चे गणपती बाप्पा विराजमान होणार असून मोतिया रंगांच्या २७ हजार दिव्यांनी हा रथ उजळून निघणार आहे, अशी माहिती ट्रस्टचे अध्यक्ष अशोक गोडसे यांनी दिली.
पुढे वाचा

दिनांक :- २० सप्टेंबर २०१८

महाराष्ट्राचे वैभव उत्तरोत्तर वाढावे

महिला व बालकल्याण मंत्री पंकजा मुंडे- पालवे यांची प्रार्थना ; श्रीमंत दगडूशेठ हलवाई सार्वजनिक गणपती ट्रस्टच्या गणरायाचे दर्शन

.


पुणे : प्रथेप्रमाणे मी श्रीमंत दगडूशेठ हलवाई गणपतीच्या दर्शनासाठी आले. स्वर्गीय गोपीनाथ मुंडे हे देखील दरवर्षी दर्शनाकरीता येत होते. त्याच परंपरेप्रमाणे मी आले आहे. दगडूशेठ गणपती हा प्रभावी आहे. त्यामुळे गणेशाचा आशिर्वाद महत्वाचा आहे. लाखो भाविक येथे दर्शनासाठी येतात. त्यामुळे दगडूशेठचे वैभव देखील उत्तरोत्तर वाढावे, तसेच महाराष्ट्राचे वैभवही उत्तरोत्तर वाढू देत, अशी प्रार्थना राज्याच्या महिला व बालकल्याण मंत्री पंकजा मुंडे-पालवे यांनी श्रीं चरणी केली.
पुढे वाचा


दिनांक :- १८ सप्टेंबर २०१८

दगडूशेठ गणपतीच्या दर्शनाला १००हून अधिक तृतीयपंथी

श्रीमंत दगडूशेठ हलवाई सार्वजनिक गणपती ट्रस्ट ; अलंकारांनी सजून पारंपरिक वेशभूषेत केली तृतीयपंथीयांनी श्रीं ची आरती

.


पुणे : सामान्य स्त्री-पुरुषांप्रमाणेच समाजातील महत्त्वाचा मात्र बाजूला असलेला घटक म्हणजे तृतीयपंथी. गणपती बाप्पाच्या भेटीची ओढ जशी सामान्य भक्ताला असते, तशी या तृतीयपंथींच्या मनातील बाप्पाच्या भेटीची ओढ आज दगडूशेठ गणपतीसमोर पहायला मिळाली. विविधांगी अलंकारांनी सजून आपल्या पारंपरिक वेशभूषेत १०० हून अधिक तृतीयपंथीयांनी दगडूशेठ गणपतीचे मनोभावे दर्शन घेत आरतीही केली.
पुढे वाचा

दिनांक :- १७ सप्टेंबर २०१८

‘दगडूशेठ’ गणपतीसमोर सुरक्षित वाहतुकीची शपथ व प्रार्थना

श्रीमंत दगडूशेठ हलवाई सार्वजनिक गणपती ट्रस्ट ; रोटरी डिस्ट्रिक्ट ३१३१ च्या ६०० सदस्यांचा सहभाग

.


पुणे : आम्ही वाहतुकीचे नियम पाळू… अपघातमुक्त वाहतुकीसाठी स्वयंशिस्तीने वाहने चालवू आणि इतरांनाही वाहतुकीचे नियम पाळण्यास उद्युक्त करु, अशी शपथ घेत रोटरी डिस्ट्रिक्ट ३१३१ च्या ६०० सदस्यांनी पुण्यात अपघातमुक्त वाहतूक व्हावी याकरीता दगडूशेठ गणपतीसमोर प्रार्थना केली. वाहतूक समस्यांवर उपाययोजना आखत क्लब रस्त्यावर उतरुन जनजागृती करणार असल्याचा संकल्पही यावेळी करण्यात आला.
पुढे वाचा

दिनांक :- १७ सप्टेंबर २०१८

थायलंडच्या लष्करप्रमुखांनी घेतले ‘दगडूशेठ’ गणपतीचे दर्शन

श्रीमंत दगडूशेठ हलवाई सार्वजनिक गणपती ट्रस्ट ; माजी राष्ट्रपती प्रतिभाताई पाटील यांच्यासह मान्यवरांचीही दिवसभरात उपस्थिती

.


पुणे : गणेशोत्सव आणि दगडूशेठ गणपतीचे आकर्षण केवळ भारतातच नाही, तर परदेशातील भक्तांनाही आहे. याची प्रचिती सोमवारी सकाळी दगडूशेठची यंदाची सजावट असलेल्या राजराजेश्वर मंदिरात आली. पुण्यामध्ये लष्करी सरावाकरीता आलेल्या थायलंडच्या लष्करप्रमुखांसह सेनाधिका-यांनी दगडूशेठ गणपतीचे दर्शन घेत आरतीही केली.
पुढे वाचा

दिनांक :- १७ सप्टेंबर २०१८

‘दगडूशेठ’ ला ३५ हजार सूर्यनमस्कारांतून विद्यार्थ्यांनी केले वंदन

श्रीमंत दगडूशेठ हलवाई सार्वजनिक गणपती ट्रस्ट ; लक्ष्मी वेंकटेश चॅरिटेबल अ‍ँड एज्युकेशनल ट्रस्टचा पुढाकार

.


पुणे : ओम् सूर्याय नम:… ओम् भास्कराय नम:… च्या मंगल स्वरांनी दगडूशेठ गणपती विराजमान असलेले श्री राजराजेश्वर मंदिर दुमदुमून गेले. मंत्रोच्चारांसोबत ७२० शालेय विद्यार्थ्यांनी तब्बल ३५ हजार सूर्यनमस्कार घालून गणरायाला आगळ्यावेगळ्या पद्धतीने वंदन केले. स्वच्छ मनासोबतच सुदृढ शरीरसंपदेकरीता बाप्पाने आम्हाला आर्शिवाद द्यावा, ही अशी प्रार्थना यावेळी विद्यार्थ्यांनी गणरायाकडे केली.
पुढे वाचा

दिनांक :- १४ सप्टेंबर २०१८

‘दगडूशेठ’ ला १२६ किलोच्या माव्याच्या मोदकाचा महानैवेद्य

काका हलवाईच्या वतीने अवघ्या ४ तासात साकार ; बार्शीच्या गणेशभक्ताने केला अर्पण
श्रीमंत दगडूशेठ हलवाई सार्वजनिक गणपती ट्रस्ट

.


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ तर्फे ट्रस्टच्या १२६ वर्षानिमित्त आयोजित गणेशोत्सवात गणपतीला १२६ किलोच्या माव्याच्या मोदकाचा नैवेद्य दाखविण्यात आला. बार्शीचे किराणा व्यापारी कचरुलाल देबडवार यांनी हा मोदक बाप्पाला अर्पण केला असून काका हलवाईचे युवराज गाडवे आणि महेंद्र गाडवे यांनी कारागिरांच्या सहाय्याने अवघ्या ४ तासात हा मोदक साकारला आहे.
पुढे वाचा

दिनांक :- १४ सप्टेंबर २०१८

”दगडूशेठ’ समोर २५ हजार महिलांचे अर्थवशीर्ष पठण व महाआरती

श्रीमंत दगडूशेठ हलवाई सार्वजनिक गणपती ट्रस्टतर्फे आयोजन

ॠषीपंचमीनिमित्त पहाटे अथर्वशीर्ष पठण सोहळा ; इंधन वाचवाचा दिला सामाजिक संदेश

.


पुणे : ओम् नमस्ते गणपतये… गजानना, गजानना…ओम गं गणपतये नम:… मोरया, मोरया… च्या जयघोषाने तब्बल २५ हजार पेक्षा अधिक महिलांनी एकत्र येत अथर्वशीर्ष पठणातून गणरायाला नमन केले. पारंपरिक वेशात पहाटे ४ वाजल्यापासून महिलांनी या उपक्रमाकरीता हजेरी लावण्यास सुरुवात केली. गणेश नामाचा जयघोष करीत ॠषीपंचमीनिमित्त आयोजित सोहळ्यात उर्जेने भारलेल्या वातावरणामध्ये हजारो महिलांच्या गर्दीचा उच्चांक पहायला मिळाला. अथर्वशीर्षासोबत झालेली महाआरती आणि इंधन वाचवाचा संदेश देत महिलांनी स्त्री शक्तीचा जागर केला.
पुढे वाचा

दिनांक :- १३-सप्टेंबर-२०१८

राजराजेश्वर मंदिरात ‘दगडूशेठ’ चे गणपती बाप्पा विराजमान

श्रीमंत दगडूशेठ हलवाई सार्वजनिक गणपती ट्रस्ट ; खासदार अनिल शिरोळे यांच्या हस्ते विद्युतरोषणाईचे उद््घाटन

.


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त तामिळनाडू तंजावर येथील श्री राजराजेश्वर मंदिराची प्रतिकृती साकारण्यात आली आहे. गणेश चतुर्थीला सायंकाळी सजावटीच्या विद्युतरोषणाईचे उद््घाटन होताच पुणेकरांनी बाप्पाचे मनोहारी रुप आणि लाखो दिव्यांनी उजळलेले राजराजेश्वर मंदिर मोबाईलच्या कॅमे-यामध्ये टिपण्यासाठी मोठी गर्दी केली.
पुढे वाचा

दिनांक :- १३-सप्टेंबर-२०१८

‘दगडूशेठ’ गणपतीची प्राणप्रतिष्ठापना आणि मिरवणूक थाटात

श्रीमंत दगडूशेठ हलवाई सार्वजनिक गणपती ट्रस्ट ; गाणपत्य डॉ. धुंडीराज पाठक शास्त्री यांच्या हस्ते श्रीं ची प्राणप्रतिष्ठापना

.

पुष्परथातून श्रीं ची आगमन मिरवणूक उत्साहात ; मानिनी महिला ढोल-ताशा पथकाचा मिरवणुकीत सहभाग


पुणे : गणपती बाप्पा मोरया… मंगलमूर्ती मोरया… च्या जयघोषात पुष्परथातून निघालेल्या दिमाखदार आगमन मिरवणुकीने वाजत गाजत श्री राजराजेश्वर मंदिरात दगडूशेठचे गणपती बाप्पा विराजमान झाले. श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त आयोजित उत्सवाचा प्रारंभ हजारो भक्तांच्या साक्षीने झाला. श्री राजराजेश्वर मंदिरात सकाळी ११ वाजून ५ मिनिटांनी मोरगाव येथील महान गाणपत्य श्री गणेश योगींद्राचार्यांच्या परंपरेतील डॉ.धुंडीराज पाठक शास्त्री यांच्या हस्ते विधीवत श्रींची प्राणप्रतिष्ठापना झाली.
पुढे वाचा

दिनांक :- २७-ऑगस्ट-२०१८

धनकवडीतील आदर्श मित्र मंडळाला गणेशोत्सव स्पर्धेत प्रथम क्रमांक

श्रीमंत दगडूशेठ हलवाई सार्वजनिक गणपती ट्रस्टतर्फे आयोजित राष्ट्रीय गणेशोत्सव स्पर्धेच्या पुणे विभागाचा निकाल जाहीर

.


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे आयोजित राष्ट्रीय गणेशोत्सव स्पर्धेत पुणे विभागात धनकवडीतील आदर्श मित्र मंडळाने प्रथम क्रमांक पटकाविला आहे. तर, कॅम्पमधील श्रीकृष्ण तरुण मंडळाने द्वितीय, नाना पेठेतील काळभैरवनाथ तरुण मंडळाने तृतीय, बुधवार पेठेतील महाराष्ट्र तरुण मंडळाने चौथे तर कर्वेनगर येथील स्वस्तिश्री गृहरचना संस्था मर्यादित यांनी पाचव्या क्रमांकाचे पारितोषिक पटकाविले आहे. स्पर्धेत सहभागी झालेल्या १८७ मंडळांपैकी ८६ मंडळांनी पारितोषिके मिळविली असून ट्रस्टच्या वतीने एकूण ११ लाख ३९ हजार रुपयांची बक्षिसे या मंडळांना देण्यात येणार असल्याची घोषणा ट्रस्टचे अध्यक्ष अशोक गोडसे यांनी पत्रकार परिषदेत केली.
पुढे वाचा

दिनांक :- ३-ऑगस्ट-२०१८

भावार्थ असेल तर भक्ती आणि प्रेमाची दिपीका पेटेल

ह.भ.प. बाबामहाराज सातारकर : श्रीमंत दगडूशेठ हलवाई सार्वजनिक गणपती ट्रस्टतर्फे चार्तुमासानिमित्त प्रवचन

.


पुणे : कर्म केल्याने होते, पण भाव श्रद्धेच्या माध्यमातूनच प्रकट होतो. भगवंताविषयी आपल्या मनात भाव प्रकटणे आवश्यक आहे. ज्ञानेश्वरीमधील भाव लक्षात आल्यानंतर जो अर्थ प्रगट होतो, तो अलौकिक आहे. भाव असेल तरच भक्ती आणि प्रेमाची दीपिका पेटेल. ज्ञानेश्वरीचा भाव कळला तर अर्थ कळेल, असे मत ज्येष्ठ कीर्तनकार ह.भ.प. बाबा महाराज सातारकर यांनी व्यक्त केले.
पुढे वाचा

दिनांक :- २-ऑगस्ट-२०१८

दगडूशेठ’च्या राजराजेश्वर मंदिर सजावटीच्या वासापूजनाचा श्रीगणेशा

श्रीमंत दगडूशेठ हलवाई सार्वजनिक गणपती ट्रस्ट ; पालकमंत्री गिरीष बापट यांची उपस्थिती

.


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त गणेशोत्सवात तामिळनाडू तंजावर येथील श्री राजराजेश्वर मंदिर साकारण्यात येणार आहे. यंदाच्या सजावटीचे वासापूजन बुधवार पेठेतील सजावट स्थळी पालकमंत्री गिरीष बापट यांच्या हस्ते झाले. जय गणेश आणि मंत्रपठणाच्या जयघोषात ट्रस्टचे विश्वस्त व कार्यकर्त्यांनी यंदाच्या सजावटीच्या तयारीचा श्रीगणेशा केला.
यावेळी ट्रस्टचे अध्यक्ष अशोक गोडसे, सुनील रासने, महेश सूर्यवंशी, माणिक चव्हाण, हेमंत रासने, सुवर्णयुग तरुण मंडळाचे अध्यक्ष प्रकाश चव्हाण, माजी आमदार मोहन जोशी, नगरसेवक राजेश येनपुरे, अजय खेडेकर, अंकुश काकडे, शिल्पकार विवेक खटावकर, राजाभाऊ घोडके, बाळासाहेब सातपुते, उल्हास भट, विकास काळे यांसह पदाधिकारी व कार्यकर्ते मोठया संख्येने उपस्थित होते.
पुढे वाचा

दिनांक :- ३१-जुलै-२०१८

गुरुपौर्णिमेनिमित्त दगडूशेठ गणपतीची महाआरती

श्रीमंत दगडूशेठ हलवाई सार्वजनिक गणपती ट्रस्ट ; ट्रस्टचे विश्वस्त व कार्यकर्त्यांचा सहभाग

.


पुणे : श्रीमंत दगडूशेठ हलवाई सार्वजनिक गणपती ट्रस्टतर्फे गुरुपौर्णिमेनिमित्त गणपतीची महाआरती करण्यात आली. गणपती बाप्पा मोरयाच्या जयघोषात गणेशभक्तांनी गणरायाला नमन केले. खग्रास चंद्रग्रहण असल्याने वेधकाळात अनेक भाविकांनी मंदिरात जप करीत गणरायाचरणी सेवा अर्पण केली.
पुढे वाचा

दिनांक :- ३० जुलै २०१८

ह. भ. प. बाबामहाराज सातारकर यांचे बुधवारपासून हरिपाठावर निरुपण

श्रीमंत दगडूशेठ हलवाई गणपती ट्रस्ट ; अंगारकी चतुर्थीला स्वराभिषेकाचे आयोजन

.


पुणे : श्रीमंत दगडूशेठ हलवाई गणपती ट्रस्टतर्फे कीर्तनकार व प्रवचनकार ह. भ. प. बाबा महाराज सातारकर यांच्या प्रवचनाचे आयोजन करण्यात आले आहे. हे प्रवचन दिनांक १ ते ३० आॅगस्ट दरम्यान दररोज सायंकाळी ७ ते ८ या वेळेत स्वारगेट येथील गणेश कला क्रीडा मंच येथे होणार आहे. यावर्षी बाबामहाराज सातारकर संतश्रेष्ठ ज्ञानेश्वर महाराजांच्या हरिपाठावर निरुपण करणार आहेत. ट्रस्टतर्फे गेली अनेक वर्षे या कार्यक्रमाचे सातत्याने आयोजन केले जाते.
पुढे वाचा

दिनांक :- १६ जुलै २०१८

लहान मुलांच्या निरोगी आरोग्यासाठी समतोल आहार गरजेचा

डॉ. संजीव डोळे यांचे मत ; श्रीमंत दगडूशेठ गणपती ट्रस्ट संचलित जय गणेश ज्ञानवर्धन अभियानांतर्गत जय गणेश विद्यार्थी पालकत्व योजनेतील विद्यार्थ्यांसाठी आरोग्य शिबिराचे आयोजन

.


पुणे : सध्या लहान मुलांमध्ये कॅल्शियम आणि क जीवनसत्वाची कमतरता प्रामुख्याने दिसून येते. याचे कारण म्हणजे लहान मुले शरीराला आवश्यक असा पोषक आहार घेत नाहीत. सर्दी, खोकला यांसारख्या आजारांबरोबरच प्रतिकारक्षमतेची कमतरता देखील मुलांमध्ये आढळते. निरोगी राहण्यासाठी त्यांच्या आहारामध्ये डाळी, कडधान्ये, पालेभाज्या, फळे यांचा समावेश असला पाहिजे. निरोगी आरोग्यासाठी रोजच्या जेवणामध्ये समतोल आहार घेणे आवश्यक आहे, असे मत डॉ. संजीव डोळे यांनी व्यक्त केले.
पुढे वाचा

दिनांक :- १५ जुलै २०१८

जय गणेश विद्यार्थी पालकत्व योजनेतील ५५० गरजू विद्यार्थ्यांची रविवारी आरोग्य तपासणी

श्रीमंत दगडूशेठ हलवाई सार्वजनिक गणपती ट्रस्ट संचलित जय गणेश ज्ञानवर्धन अभियानांतर्गत जय गणेश विद्यार्थी पालकत्व योजनेतील विद्यार्थ्यांसाठी आरोग्य शिबिराचे आयोजन

.


पुणे : श्रीमंत दगडूशेठ हलवाई सार्वजनिक गणपती ट्रस्ट संचलित जय गणेश ज्ञानवर्धन अभियानांतर्गत जय गणेश विद्यार्थी पालकत्व योजनेतील ५५० गरजू, गुणवंत विद्यार्थ्यांना उत्तम आरोग्याची साथ मिळावी, यासाठी आरोग्य शिबिराचे आयोजन करण्यात आले आहे. हे शिबिर रविवार, दि. १५ जुलै रोजी सकाळी ९ वाजता शनिवार पेठेतील नवीन मराठी शाळा येथे होणार आहे. शिबीरात ट्रस्टच्या कोंढवा येथील बालसंगोपन केंद्रातील ३० मुलांची देखील तपासणी केली जाणार आहे.
पुढे वाचा

दिनांक :- ५ जुलै २०१८

माऊलींच्या अश्वांची दगडूशेठ गणपतीला आगळीवेगळी मानवंदना

सलग दुस-या वर्षी गणेश मंदिराच्या सभामंडपात अश्वांचा प्रवेश ; पुणेकरांतर्फे अश्वांचे पूजन

.


पुणे : माऊली माऊली आणि गणपती बाप्पा मोरयाच्या जयघोषात संतश्रेष्ठ ज्ञानेश्वर माऊलींच्या पालखी सोहळ्यातील मानाच्या अश्वराजांनी श्रीमंत दगडूशेठ हलवाई गणपतीला अनोखी मानवंदना दिली. पालखी सोहळ्याच्या इतिहासात मागील वर्षी प्रथमच माऊलींच्या मानाच्या अश्वांनी गणेश मंदिराच्या सभागृहात प्रवेश केला होता. त्यामुळे यंदा सलग दुस-या वर्षी प्रत्यक्ष मंदिराच्या सभामंडपात अश्वांनी प्रवेश करुन गणरायाला वंदन केले. यावेळी पुणेकरांतर्फे अश्वांचे पूजन करीत विश्वकल्याणासाठी श्रीगणेश आणि माऊली चरणी प्रार्थना करण्यात आली.
पुढे वाचा

दिनांक :- ३ जुलै २०१८

आषाढी वारीतील ३०० वीणेक-यांना ‘दगडूशेठ’ तर्फे मानाचे फेटे

श्रीमंत दगडूशेठ हलवाई सार्वजनिक गणपती ट्रस्टतर्फे सन्मान ; संतश्रेष्ठ ज्ञानेश्वर माऊली व जगद््गुरु तुकाराम महाराज पालखी सोहळयातील वीणेक-यांनी केली आरती

.


पुणे : आषाढी वारीमध्ये कित्येक मैल पायी चालणा-या संतश्रेष्ठ ज्ञानेश्वर माऊली व जगद्गुरु तुकाराम महाराज पालखी सोहळ्यातील ३०० वीणेक-यांना मानाचे फेटे देऊन सन्मानित करण्यात आले. श्रीमंत दगडूशेठ हलवाई सार्वजनिक गणपती ट्रस्टतर्फे आयोजित कार्यक्रमात विविध दिंडयांमधील वीणेक-यांनी सन्मान स्विकारत मानाचे फेटे परिधान करुन श्रीगणेशाची आरती केली.
पुढे वाचा

दिनांक :- २५ जून २०१८

ध्येयवेडे विद्यार्थी असतील तर चांगला समाज घडेल

डॉ.शकुंतला काळे यांचे मत; श्रीमंत दगडूशेठ गणपती ट्रस्टतर्फे जय गणेश विद्यार्थी पालकत्व योजनेतील दहावी-बारावीच्या गुणवंत विद्यार्थ्यांच्या कौतुक सोहळ्याचे आयोजन ; शालेय साहित्य वाटप

.


पुणे : अभ्यासक्रमात अनेकदा कालसुसंगत बदल करावे लागतात. प्रश्नपत्रिकेकडून कृतीपत्रिकेकडे जाण्यासाठी काही बदल आवश्यक असतात. विद्यार्थ्यांना केवळ ज्ञानार्थी न बनविता शाळेत घेतलेले ज्ञान शाळेबाहेर पडल्यावर देखील उपयोगी पडले पाहिजे. विद्यार्थ्यांनी कल्पनेतून नाही तर कष्टातून स्वप्ने बघावी. आपली स्वप्ने पूर्ण करायला कष्टाशिवाय पर्याय नाही. समाजाच्या प्रत्येक स्तरावर ध्येयवेडे विद्यार्थी असतील तर चांगला समाज घडेल, असे मत एस. एस. सी. बोर्डाच्या अध्यक्षा डॉ.शकुंतला काळे यांनी व्यक्त केले.
पुढे वाचा

दिनांक :- २१ जून २०१८

श्री राजराजेश्वर मंदिरात विराजमान होणार ‘दगडूशेठ’ चे गणपती बाप्पा

श्रीमंत दगडूशेठ हलवाई सार्वजनिक गणपती ट्रस्टच्या सजावटीचा शुभारंभ सोहळा संपन्न


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त तामिळनाडू तंजावर येथील श्री राजराजेश्वर मंदिर साकारण्यात येणार आहे. अकराव्या शतकाच्या सुरुवातीला साकारण्यात आलेल्या या महादेव मंदिराला युनेस्कोने जागतिक वारसा वास्तूचा दर्जा दिला आहे. त्यामुळे यंदाच्या गणेशोत्सवात दगडूशेठ ट्रस्टतर्फे साकारण्यात येणारी ही प्रतिकृती भाविकांकरीता विशेष आकर्षण ठरणार आहे. यावर्षीच्या सजावटीच्या शुभारंभ सोहळा शिल्पकार विवेक खटावकर व वैशाली खटावकर यांच्या हस्ते पार पडला.
पुढे वाचा

दिनांक :- २१ जून २०१८

श्री राजराजेश्वर मंदिरात विराजमान होणार ‘दगडूशेठ’ चे गणपती बाप्पा

श्रीमंत दगडूशेठ हलवाई सार्वजनिक गणपती ट्रस्टच्या सजावटीचा शुभारंभ सोहळा संपन्न


पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १२६ व्या वर्षानिमित्त तामिळनाडू तंजावर येथील श्री राजराजेश्वर मंदिर साकारण्यात येणार आहे. अकराव्या शतकाच्या सुरुवातीला साकारण्यात आलेल्या या महादेव मंदिराला युनेस्कोने जागतिक वारसा वास्तूचा दर्जा दिला आहे. त्यामुळे यंदाच्या गणेशोत्सवात दगडूशेठ ट्रस्टतर्फे साकारण्यात येणारी ही प्रतिकृती भाविकांकरीता विशेष आकर्षण ठरणार आहे. यावर्षीच्या सजावटीच्या शुभारंभ सोहळा शिल्पकार विवेक खटावकर व वैशाली खटावकर यांच्या हस्ते पार पडला.
पुढे वाचा

दिनांक :- १४ मे २०१८

डान्स महाराष्ट्र डान्समधील पुण्याच्या संघाचे ‘दगडूशेठ’ ला साकडे

श्रीमंत दगडूशेठ हलवाई गणपती ; पुण्यातील ओम डान्स अ‍ॅकॅडमीतील कलाकारांनी केली आरती

पुणे : नृत्याच्या माध्यमातून संपूर्ण महाराष्ट्रातील रसिकांवर अधिराज्य गाजविण्या-या पुण्यातील ओम डान्स अ‍ॅकॅडमीच्या कलाकारांनी दगडूशेठ गणपती चरणी साकडे घातले. झी युवा वाहिनीवर सुरु असलेल्या डान्स महाराष्ट्र डान्स या नृत्यस्पर्धेतील निर्णायक फेरीत पुण्याच्या संघाने धडक मारली असून विजेतेपदाचा मानाचा तुरा पुण्याच्या शिरपेचात खोवला जावा, यासाठी बाप्पाचरणी कलाकारांनी प्रार्थना केली.
पुढे वाचा

दिनांक :- १४ मे २०१८

गणपती बीजमंत्र जप यज्ञ सोहळा बुधवारपासून

श्रीमंत दगडूशेठ हलवाई गणपती ट्रस्टतर्फे आयोजन जगभरातील गणेशभक्तांनी आपापल्या घरातून घ्यावा सहभाग

पुणे : यंदाचा अधिकमास बुधवार, दिनांक १६ मे ते बुधवार, दिनांक १३ जून या कालावधीमध्ये आहे. त्यानिमित्ताने श्रीमंत दगडूशेठ हलवाई सार्वजनिक गणपती ट्रस्टच्यावतीने पुण्यप्रद अशा श्री गणेशाच्या ॐ गं गणपतये नम: या बीजमंत्राच्या जप यज्ञ सोहळ्याचे आयोजन केले आहे. सोहळ्याचा संकल्प १६ मे रोजी सकाळी ८ वाजता दगडूशेठ गणपती मंदिरात करण्यात येणार आहे, अशी माहिती ट्रस्टचे अध्यक्ष अशोक गोडसे यांनी दिली.
पुढे वाचा

दिनांक :- २९ एप्रिल २०१८

वैशाख पौर्णिमेनिमित्त शहाळ्यांमध्ये ‘दगडूशेठ’ चे बाप्पा विराजमान

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन ;
पुष्टिपती विनायक जयंतीनिमित्त शहाळे महोत्सव – ५ हजार शहाळ्यांचा महानैवेद्य

पुणे : वैशाख वणव्यापासून तमाम भारतीयांचे रक्षण व्हावे, दुष्काळ, पाण्याचे दुर्भिक्ष शेतक-यांच्या समस्या गणरायाच्या कृपेने निर्विघ्न व्हाव्यात, या सद््भावनेने दगडूशेठ गणपती मंदिरात शहाळे महोत्सव आयोजित करण्यात आला होता. पुष्टिपती विनायक जयंतीनिमित्त आयोजित शहाळे महोत्सवात तब्बल ५ हजार शहाळ्यांमध्ये दगडूशेठचे गणपती बाप्पा विराजमान झाले. नारळाची प्रतिकात्मक झाडे आणि शहाळ्यांनी सजविलेला मंदिराचा परिसर पाहण्याकरीता पुणेकरांनी मोठी गर्दी केली.
पुढे वाचा

दिनांक :- १९ एप्रिल २०१८

अक्षयतृतीयेनिमित्त ‘दगडूशेठ’ ला ११ हजार आंब्यांचा महानैवेद्य

ससून रुग्णालय, अपंग सैनिक पुर्नवसन केंद्र, कोंढव्यातील बालसंगोपन केंद्र व वृद्धाश्रमात होणार आंब्याच्या प्रसादाचे वाटप

पुणे : अक्षयतृतीयेनिमित्त दगडूशेठ गणपतीला ११ हजार आंब्यांचा महानैवेद्य दाखविण्यात आला. मंगलमूर्तींच्या भोवती केलेली आंब्यांच्या आरास, मंदिरावर फुलांनी साकारलेल्या आंब्यांच्या प्रतिकृती आणि स्वराभिषेकातून गणराया चरणी सेवा अर्पण करण्यात आली. साडेतीन मुहूर्तापैकी एक मुहूर्त असलेल्या अक्षयतृतीयेच्या मंगलदिनी गणरायाचे दर्शन घेण्यासाठी भाविकांनी पहाटेपासून मोठी गर्दी केली होती.
पुढे वाचा

दिनांक :- ४ एप्रिल २०१८

‘दगडूशेठ’ चा वासंतिक उटी, मोगरा महोत्सव बुधवारी (दि.४)

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन ;
अंगारकी चतुर्थीला प्रसिद्ध गायिका मुग्धा वैशंपायन हिची स्वराभिषेकातून गायनसेवा

पुणे : मोग-याच्या ५० लाख फुलांची आकर्षक सजावट… झेंडू, गुलाब, चाफा, लिलीसारख्या फुलांनी सजलेला गाभारा आणि शुंडाभूषण, मुकुट, कान व पुष्पवस्त्र परिधान केलेले गणरायाचे विलोभनीय रुप पुणेकरांनी याची देही याची डोळा अनुभविले. वासंतिक उटी मोगरा महोत्सवानिमित्त दगडूशेठ गणपतीला ५० लाख मोग-यांचा पुष्पनैवेद्य दाखविल्याचा भास होत होता. सुवासिक फुलांनी सजलेले मंदिर आणि गणरायाचे रुप डोळ्यांमध्ये साठविण्याकरीता पुणेकरांनी मोठया संख्येने गर्दी केली.
पुढे वाचा

दिनांक :- ४ एप्रिल २०१८

मोगरा महोत्सवात ‘दगडूशेठ’ ला ५० लाख मोग-यांचा पुष्पनैवेद्य

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे आयोजन ;
भारतीय वारकरी मंडळातील युवा वीणेक-यांचा गौरव आणि वासंतिक उटीचे भजन

पुणे : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे बुधवार, दिनांक ४ एप्रिल रोजी मंदिरात वासंतिक उटी, मोगरा महोत्सव आयोजित करण्यात आला आहे. गणरायाच्या मूर्तीला व मंदिरावर मोग-याच्या लाखो फुलांची आकर्षक सजावट करण्यात येणार आहे. मोग-याची आरास बुधवारी सायंकाळी ६ नंतर गणेशभक्तांना पाहण्याकरीता खुली राहणार आहे, अशी माहिती ट्रस्टचे अध्यक्ष अशोक गोडसे यांनी दिली.
पुढे वाचा

दिनांक :- २५ मार्च २०१८

भावसरगममधून भावगीतांचा सुरेल नजराणा

प्रख्यात गायक पं. ह्रदयनाथ मंगेशकर यांच्या गायकीने रसिक मंत्रमुग्ध : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे आयोजित संगीत महोत्सवाचा समारोप

पुणे : केव्हा तरी पहाटे … गेले द्यायचे राहून तुझे नक्षत्रांचे देणे…येरे घना येरे घना…अशा विविध भावभावनांचे सुरेल चित्रण असलेल्या भावगीतांच्या सादरीकरणाने रसिकांना मराठी संगीताच्या सुवर्णकाळाची आठवण करून दिली. प्रख्यात गायक व संगीतकार पं. ह्रदयनाथ मंगेशकर, गायिका राधा मंगेशकर आणि गायिका मधुरा दातार यांनी भावगीतांचा सुरेल नजराणा रसिकांसमोर पेश केला.
पुढे वाचा

दिनांक :- २३ मार्च २०१८

… अन् उलगडली मराठी चित्रपटांच्या इतिहासाची सुवर्णपाने

गायन, नृत्य व चित्रफितीद्वारे उलगडला प्रभात ते सैराटचा चित्रप्रवास ; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३४ व्या वर्धापनदिनानिमित्त संगीत महोत्सवाचे आयोजन

पुणे : अयोध्येचा राजा चित्रपटापासून सामना चित्रपटापर्यंत… अशी ही बनवाबनवी चित्रपटापासून जोगवापर्यंत… नटरंग चित्रपटापासून ते अगदी अलीकडच्या सैराटपर्यंत… अशा जुन्या- नवीन चित्रपटांच्या चित्रप्रवासाचा नेत्रसुखद अनुभव रसिकांनी घेतला. दिग्दर्शन, लेखन आणि संगीताचा उत्कृष्ट मिलाफ रसिकांसमोर ठेवणा-या दिग्गजांच्या व्यक्तिमत्वाचे पैलू यानिमित्ताने समोर आले. प्रभात ते सैराट या कार्यक्रमातून गायन, नृत्य, चित्रफितींद्वारे मराठी चित्रपटांच्या इतिहासाची सुवर्णपाने रसिकांसमोर उलगडली.
पुढे वाचा

दिनांक :- २१ मार्च २०१८

लोककलांच्या माध्यमातून उलगडली महाराष्ट्राची वैभवशाली परंपरा

अशोक हांडे व सहका-यांचे सादरीकरण ; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळातर्फे मंदिराच्या ३४ व्या वर्धापनदिनानिमित्त संगीत महोत्सवाचे आयोजन

dagdusheth ganapati

पुणे : अभंग, संतवाणीपासून संत एकनाथांनी समाजप्रबोधनासाठी रचलेल्या भारुडापर्यंत, जात्यांवरच्या ओव्या, शेतकरी नृत्य, शिवरायांची महती, दशावतार, पोवाडा, गोंधळ, कोळीनृत्य अशा गायन व नृत्याच्या माध्यमातून केलेल्या सादरीकरणाने रसिकांनी मराठी संस्कृतीचा बाज अनुभवला. अशोक हांडे व सहका-यांनी मंगलगाणी दंगलगाणी कार्यक्रमात लोककलांच्या माध्यमातून महाराष्ट्राची वैभवशाली परंपरा पुणेकरांसमोर उलगडली.
पुढे वाचा

दिनांक :- २० मार्च २०१८

पसायदान ते आधुनिक संगीतातून उलगडले स्वरांचे साम्राज्य

धनश्री लेले, प्रिती निमकर-जोशी, श्रीरंग भावे यांचे सादरीकरण ; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे संगीत महोत्सव

dagdusheth ganapati

पुणे : तू बुद्धी दे, तू तेज दे… दत्ता हेची दान द्यावे…कोमल वाचा दे रे राम… यांसारख्या अजरामर गीतांमधून परमेश्वराकडे साकडे मागत रसिकांमध्ये स्वरभक्ती जागृत करण्यात आली. मागणे का मागावे, कोणाकडे मागावे, कशासाठी मागावे याचे विवेचन करीत धनश्री लेले व सहका-यांनी पसायदान, लोककला ते आधुनिक संगीत असा प्रवास पुणेकरांसमोर उलगडला. स्वरांचे साम्राज्य अनुभवित उपस्थितांनीही या कार्यक्रमाला भरभरुन दाद दिली.
पुढे वाचा

दिनांक :- १९ मार्च २०१८

चिरतरुण अजरामर मराठी गीतांची रसिकांवर मोहिनी

संगीतककार व गायक श्रीधर फडके यांचे सादरीकरण; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे संगीत महोत्सव; फिटे अंधाराचे जाळे – कार्यक्रम

dagdusheth ganapati

पुणे : फिटे अंधाराचे जाळे… सांज ये गोकुळी… रुपे सुंदर सावळा गे माये… सखी मंद झाल्या तारका… तोच चंद्रमा नभात… अशा मराठी भावगीत, भक्तीगीतांचा सुरेल प्रवास रसिकांनी अनुभविला. फिटे अंधाराचे जाळे या कार्यक्रमातून गायक व संगीतकार श्रीधर फडके यांनी आजही चिरतरुण असलेल्या अजरामर मराठी गीतांची मोहिनी रसिकांवर घातली.
पुढे वाचा

दिनांक :- १८ मार्च २०१८

‘दगडूशेठ’ ट्रस्टमुळे खडकवासला व ससूनमध्ये सकारात्मक बदल

विभागीय आयुक्त चंद्रकांत दळवी यांचे गौरवोद्गार; श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग मंडळतर्फे मंदिराच्या ३४ व्या वर्धापदिनानिमित्त आयोजित संगीत महोत्सवाचे उद्घाटन

dagdusheth ganapati

पुणे : ससून रुग्णालयात घडलेला सकारात्मक बदल हा श्रीमंत दगडूशेठ हलवाई गणपती ट्रस्टमुळे झाला आहे. त्याचप्रमाणे खडकवासला धरणात साठलेला गाळ काढण्याचे काम देखील ट्रस्टच्या माध्यमातून झाले आहे. सरकारच्या आधी दगडूशेठ ट्रस्टने पुढाकार घेऊन हे कार्य केले. त्यामुळे दगडूशेठ हे देशाचे सांस्कृतिक वैभव आहे, असे गौरवोद्गार विभागीय आयुक्त चंद्रकांत दळवी यांनी काढले.
पुढे वाचा

दिनांक :- १८ मार्च २०१८

श्रीमंत दगडूशेठ गणपती मंदिरात गुढीपूजन व फुलांची आरास

श्रीमंत दगडूशेठ हलवाई गणपती मंदिराचा ३४ वा वर्धापनपदिन; परिमंडळ १ चे उपायुक्त डॉ.बसवराज तेली यांची उपस्थिती

about dagdusheth ganapati

पुणे : श्रीमंत दगडूशेठ हलवाई गणपती ट्रस्ट, सुवर्णयुग तरुण मंडळतर्फे गणपती मंदिराच्या ३४ व्या वर्धापनदिनानिमित्त गुढीपाडव्याला मंदिरात गुढीपूजन करण्यात आले. फुलांची आकर्षक आरास, बँडचे मंगलध्वनी, रांगोळीच्या पायघडया अशा मंगलमय वातावरणात गुढीपाडवा मोठया उत्साहात साजरा झाला. पहाटेपासूनच चैत्र शुद्ध प्रतिपदेच्या दिवशी गणरायाचे दर्शन घेण्याकरीता पुणेकरांनी मोठया संख्येने गर्दी केली.
पुढे वाचा