दिनांक :- २७ ऑगस्ट २०१८

dagdusheth ganapati
धनकवडीतील आदर्श मित्र मंडळाला गणेशोत्सव स्पर्धेत प्रथम क्रमांक
श्रीमंत दगडूशेठ हलवाई सार्वजनिक गणपती ट्रस्टतर्फे आयोजित राष्ट्रीय गणेशोत्सव स्पर्धेच्या पुणे विभागाचा निकाल जाहीर

पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे आयोजित राष्ट्रीय गणेशोत्सव स्पर्धेत पुणे विभागात धनकवडीतील आदर्श मित्र मंडळाने प्रथम क्रमांक पटकाविला आहे. तर, कॅम्पमधील श्रीकृष्ण तरुण मंडळाने द्वितीय, नाना पेठेतील काळभैरवनाथ तरुण मंडळाने तृतीय, बुधवार पेठेतील महाराष्ट्र तरुण मंडळाने चौथे तर कर्वेनगर येथील स्वस्तिश्री गृहरचना संस्था मर्यादित यांनी पाचव्या क्रमांकाचे पारितोषिक पटकाविले आहे. स्पर्धेत सहभागी झालेल्या १८७ मंडळांपैकी ८६ मंडळांनी पारितोषिके मिळविली असून ट्रस्टच्या वतीने एकूण ११ लाख ३९ हजार रुपयांची बक्षिसे या मंडळांना देण्यात येणार असल्याची घोषणा ट्रस्टचे अध्यक्ष अशोक गोडसे यांनी पत्रकार परिषदेत केली.

स्पर्धेचा पारितोषिक वितरण समारंभ शुक्रवार, दिनांक ३१ रोजी सायंकाळी ६ वाजता गणेश कला क्रीडा मंच, स्वारगेट येथे होणार आहे. कार्यक्रमाला पुणे जिल्हयाचे पालकमंत्री गिरीष बापट, महापौर मुक्ता टिळक, पुण्याचे पोलीस आयुक्त के.व्यंकटेशम आदी मान्यवर उपस्थित राहणार आहेत. राष्ट्रीय गणेशोत्सव स्पर्धेत आदर्श मित्र मंडळाच्या जलसंवर्धन काळाची गरज आणि शेतकरी कर्जमाफी या देखाव्याला ५१ हजार रुपयांचे, श्रीकृष्ण तरुण मंडळाच्या सर्जिकल स्ट्राईक या देखाव्यास ४५ हजारांचे, काळभैरवनाथ तरुण मंडळाच्या काल्पनिक गणेश मंदिराला ४० हजारांचे, महाराष्ट्र तरुण मंडळाच्या सैनिक हो तुमच्यासाठी या देखाव्याला ३५ हजारांचे आणि स्वतिश्री गृहरचना संस्थेच्या पंचतत्वाचा पर्यावरणपूरक समतोल या देखाव्याला ३० हजार रुपयांचे बक्षिस जाहीर करण्यात आले.
अशोक गोडसे म्हणाले, ट्रस्टचे यंदा १२६ वे वर्ष असून दरवर्षीप्रमाणे विविध उपक्रम राबविले जाणार आहेत. या सर्व उपक्रमांत सहभागी होण्यासाठी व अधिक माहिती www.dagdushethganpati.com या संकेतस्थळावर भेट द्यावी. तसेच भाविकांनी सर्व उपक्रमांमध्ये सहभागी व्हावे, असे आवाहनही त्यांनी केले. स्पर्धेच्या परीक्षण मंडळात पराग ठाकूर, विजय चव्हाण, अनिल घाणेकर, राजन काळसेकर, मधुकर जिनगरे, सुरेश वरगंटीवार, मोहन शेटे यांसह सहाय्यक म्हणून चिंतामणी काळे, ओंकार वाघ, कमलेश खिंवसरा, वृषभ अंबिके, ॠषिकेश धनवडे, दीप राणे यांनी काम पाहिले.

* इतर निकाल :-

  • १) पश्चिम विभाग :- विनायक नवयुग मित्र मंडळ (प्रथम), संगम तरुण मंडळ (द्वितीय), त्रिदल गणेश मंडळ (तृतीय). सोसायटी गणेशोत्सव – श्रीराम मित्र मंडळ. सांस्कृतिक देखावे – भैरवनाथ तरुण मंडळ, गोखले स्मारक मित्र मंडळ. काल्पनिक देखावे – नवजवान मित्र मंडळ, श्रीकृष्ण मंडळ, मुठेश्वर मित्र मंडळ. सजीव देखावे – आझाद मित्र मंडळ, समस्त गावकरी मंडळ, एकी तरुण मंडळ, श्री साई मित्र मंडळ. धार्मिक व पौराणिक देखावे – नवभुमी तरुण मंडळ, संयुक्त भेलकेनगर मित्र मंडळ. सामाजिक कार्य (बक्षिसपात्र) – श्रीमंत राजयोग गणेश मित्र मंडळ.
  • २) पूर्व विभाग :- पौराणिक देखावे – विहार मित्र मंडळ, शिवराज मित्र मंडळ. काल्पनिक देखावे (बक्षिसपात्र) – अखिल गणेश बाग मित्र मंडळ.
  • ३) उत्तर विभाग :- आदर्श तरुण मंडळ (प्रथम), गवळीवाडा तरुण मंडळ (द्वितीय), दि नॅशनल यंग क्लब (तृतीय). काल्पनिक देखावे (बक्षिसपात्र) – फ्रेंडशिप क्लब. सांस्कृतिक देखावे – दर्शक तरुण मंडळ, समृद्धी गणेशोत्सव मंडळ. सजीव देखावे – नवज्योत मित्र मंडळ. सोसायटी (बक्षिसपात्र) – राम सोसायटी.
  • ४) दक्षिण विभाग :- साईनाथ मित्र मंडळ (प्रथम), महेश सोसायटी मित्र मंडळ (द्वितीय), वनराई कॉलनी मित्र मंडळ (तृतीय). सजीव देखावे – दर्शन मित्र मंडळ, गणेश सेवा तरुण मंडळ. काल्पनिक देखावे – नवनाथ मित्र मंडळ, फाईव्ह स्टार मित्र मंडळ. सांस्कृतिक देखावे – लोकमान्य मित्र मंडळ, आझादनगर मित्र मंडळ, रामकृष्ण मित्र मंडळ. सोसायटी – युगंधर मित्र मंडळ, सुंदर गार्डन मित्र मंडळ.
  • ५) उत्तर मध्य विभाग :- मेहुणपुरा सार्वजनिक गणेशोत्सव मंडळ (प्रथम), संयुक्त प्रसाद मित्र मंडळ (द्वितीय), सोमवार गोसावीपुरा सार्वजनिक गणेशोत्सव मंडळ (तृतीय). सामाजिक देखावे – श्रीराम अभिमन्यू मंडळ ट्रस्ट, समाजसेवा मित्र मंडळ. धार्मिक/ पौराणिक देखावे – अश्विनी मित्र मंडळ, माती गणपती मंडळ, त्रिमूर्ती मित्र मंडळ. वैज्ञानिक देखावे – जयहिंद मित्र मंडळ, सजीव देखावे (बक्षिसपात्र) – हिंद माता तरुण मंडळ. सांस्कृतिक देखावे (बक्षिसपात्र) – श्री गजानन मंडळ.
  • ६) दक्षिण मध्य विभाग :- साखळीपीर राष्ट्रीय मारुती मंदिर ट्रस्ट (प्रथम), अकरा मारुती चौक सार्वजनिक गणेशोत्सव (द्वितीय), कस्तुरे चौक तरुण मंडळ (तृतीय). सजीव देखावे – जयजवान समता मंडळ, आझाद मित्र मंडळ, श्री शिवाजी मित्र मंडळ. सामाजिक देखावे – पोटसुळया मारुती मंडळ, वीर हनुमान मित्र मंडळ, पद्मशाली सम्राट मंडळ. धार्मिक/ पौराणिक देखावे – निंबाळकर तालीम चौक मित्र मंडळ, शिवांजली मित्र मंडळ.
  • ७) श्री गणेशोत्सव विशेष पारितोषिक :- अरणेश्वर मित्र मंडळ, सेवा मित्र मंडळ ट्रस्ट, साईनाथ मंडळ ट्रस्ट, हिंद तरुण मंडळ ट्रस्ट.
  • ८) महोत्सवी वर्ष असलेली गणेश मंडळे :- समाज विकास मित्र मंडळ (७५ वर्षे), संयुक्त मित्र मंडळ, शिवराय तरुण मंडळ, खिलारेवाडी तरुण मंडळ, तानाजी तरुण मंडळ (५० वर्षे), अलंकार मित्र मंडळ, ओम दर्शक मित्र मंडळ (२५ वर्षे).
  • ९) विशेष पुरस्कार :- विंचूरकर वाडा प्रथम प्रस्तापित गणपती ट्रस्ट, ग्राहक पेठ, डॉ.मिनू मेहता सहकारी मित्र मंडळ.
  • १०) शैक्षणिक क्षेत्रात विशेष कार्य करणारी मंडळे :- प्रभात मित्र मंडळ, अष्टविनायक मित्र मंडळ.
  • ११) शालेय विभाग (पुणे शहर परिसर) :- नवीन मराठी शाळा (प्रथम), कामायनी विद्यामंदिर (द्वितीय), भावे हायस्कूल पेरुगेट (तृतीय), बालकल्याण संस्था (उत्तेजनार्थ).

तरी वरील बातमीस आपल्या सुप्रसिद्ध दैनिकात/ वृत्तवाहिनीवर फोटोसह प्रसिद्धी द्यावी, ही नम्र विनंती.

फोटो ओळ :श्रीमंत दगडूशेठ हलवाई सार्वजनिक गणपती ट्रस्टतर्फे आयोजित राष्ट्रीय गणेशोत्सव स्पर्धेच्या पुणे विभागाचा निकाल जाहीर